السبت، ديسمبر 19، 2009

كيكة الزعفـــــــــــران ,

السلام عليـــــــــــــكم و رحمة الله و بركاته

يايبـــــة لكم طريقة كيك سهله جدا و لذيذة جدا

وتنفع تسوينها لو بييونج ضيوف فجأة
لانه مايبالها عباله و بسرعه تخلص





شكلها مشهي صح ؟؟


شوفوها عن جريب بعد و بعدها بكتب لكم المقادير و طريقة التحضير :





المقادير :

بيضتين
كوبين طحين
كوب زيت نباتي
كوب سكر
كوب حليب طازج
نصف كوب حليب نيدو بودره
زعفران الخالص مقدار بسيط
ماي ورد ربع كوب
بكين بودر ملعقة اكل

طريقة التحضير :




قبل لا نبدئ نسوي اي شي : نشغل الفرن على حرارة متوسطه
ننقع الزعفران في ربع كوب ماي ورد

في البلندر ( خلاط الطماط )نحط ( البيضتين + حليب النيدو + حليب الطازج + السكر + الزيت ) و نخليلة يختلط على سرعه عالية 5 دقايق


بعدها نضيف الزعفران و الماي ورد للخليط و نخليه يختلط معاه و نسكر البلندر

ينخل الطحين مرتين و بعدها ونضيف له البكين بودر
ونظيف عليه خليط البيض و السكر اللي كان في البلندر

ونخلطهم زين بخلاط الكيك


نييب قالب دائري بقطر 25 سانت : ندهنه بالزيت
ونحط الخلطة فيه ,,ونحطه في الفرن على حرارة متوسطه لفترة 40 دقيقه تقريباً


وهذه هي النتيجه

وصدقوني انها لذيذة جدا جدا و خفيفه
وترفع الراس ^_^





ليست هناك تعليقات:

Google PageRank Check Page Rank Check Syria Planet RSSMicro FeedRank Results Google PageRank Check Blog Directory - OnToplist.com Free counter and web statsHome & Garden BlogsTHE BOBs
 

Designed By Blogs Gone Wild!